Saharaz Blai lehiaketako emaitza diren film laburrak Zinebin izango dira

Ana Sernak eta Paula Iglesiasek zuzendutako ‘Solo son peces’ Sail Ofizialean lehiatuko da eta Elena Molinaren ‘Laatash’ Bertoko Begiradak sailean

Arabako SEADen Lagunen Elkarteak Saharaz Blai ikus-entzunezko lehiaketaren harira ekoiztutako bi film laburrak Bilboko Dokumentalen eta Film Laburren Nazioarteko Jaialdian, Zinebin, izango dira.

Modu honetan, Ana Sernak eta Paula Iglesiasek zuzendutako ‘Solo son peces’ filma jaialdi bilbotarraren 61. edizioan estreinatuko da eta Sail Ofizialean lehiatuko da. Dokumentalak Teslem, Jadija eta Dahba biologoek duela gutxi zabaldutako arrain-haztegian egiten duten lana erakusten du, Tindufeko kanpamentuetan, udan 50 gradu zentigradutara heldu daitekeen eremu batean, arrainak gaueko hotzetik babesteko berotegiak harea-ekaitzek apurtzen dituzten leku batean.

‘Laatash’ Bertoko Begiradak sailean izango da. Elena Molinaren lana Elxeko Nazioarteko Zinema jaialdiaren edota Cadizeko Alcancesen mailako jaialdietan izan da saritua eta errefuxiatuen kanpamentuetan emakumeek egiten duten ur-kudeaketa lanei buruz aritzen da.

‘Solo son peces’ azaroaren 8an proiektatuko da Arriaga Antzokian (20:00etan) eta ‘Laatash’en emanaldia azaroaren 11an izango da, BBK Aretoan (18:00etan).

Bi dokumentalak elkarte gasteiztarrak lankidetza proiektu baten barnean antolatutako Saharaz Blai lehiaketaren emaitza dira eta kanpamentuetako Abidin Kaid Saleh zinema eskolaren laguntzarekin eta Garapenerako Lankidetzaren Euskal Agentziaren finantziazioarekin ekoiztu dira.

 

‘Laatash’-ek Mexikon emango dio hasiera kurtsoari

Elena Molinaren film laburra Shorts Méxicon, Directed by Women Spain, Cadizeko Alcances eta Bilboko Zinema Ikusezinaren jaialdietan egongo da

Vitoria-Gasteizen, 2019ko irailaren 2an. ‘Laatash’ (Egarria) laburmetraiak kurtso hasiera bizia izango du. Mexikotik Bilboraino bidaiatuko du Elena Molinaren lanak, tartean Madrilen eta Cadizen gelditu ostean.

Elxeko Nazioarteko Zinema Independienteko Festibalean dokumental onenaren saria jaso ostean, errefuxiatu sahararren kanpamentuetan ura kudeatzen duten emakumeen batzordeen lana Mexiko Hirira eramango du filmak, Shorts México jaialdiaren 14. edizioan. Saharaz Blai leihaketaren barnean eta kanpamentuetako EFA Abidin Kaid Saleh zinema eskolarekin batera ekoiztutako lana dokumental iberoamerikar onenaren sariagatik leihatuko da. Laburmetraiaren emanaldiak irailaren 7an eta 10ean izango dira, Villa Olinpikoan eta Manuel Álvarez Bravo Bideotekan, hurrenez hurren.

Erdialdeko Amerika atzean utziz, ‘Laatash’-ek estatuko gune desberdinetatik eramango duen ibilbideari emango dio hasiera. Arabako SEADen Lagunen Elkarteak ekoiztutako filma Cadizen egongo da ikusgai irailaren 30ean, Alcances jaialdiaren 51. edizioan, zeinetan emakume zinegileek sail ofiziala hartu duten.

Algeriako basamortuko ur ezak sortzen duen eta, 43 urte erbestean biziraun ondoren, askatasunaren eta menpekotasun gabeko bizitzaren egarriaz hitz egiten duen film laburra Directed by Women Spain emakume zinegileen nazioarteko jaialdiaren bostgarren edizioko egitarauaren parte izango da ere. ‘Laatash’ irailaren 15ean ikusi ahalko da Madrilgo Cineteca-ko Plató aretoan, 18:00etan.

Urrian, aldiz, Euskadin ikusteko aukera berria izango da. Gasteizko Cortada jaialditik eta Donostiako Giza Eskubideen Zinemalditik igaro ondoren, Bilboko ‘Film Sozialak’ Zinema Ikusezinaren jaialdian izango da urriaren 17tik 24ra.

‘Laatash’ Garapenerako Lankidetzaren Euskal Agentziak finantzatutako proiektu baten emaitza da. Elena Molinaren zuzendaritzapean, Arabako SEADen Lagunen Elkarteak antolatutako Saharaz Blai ikusentzunezko lehiaketaren irabazleek, elkarteko bolondresek eta kanpamentuetako EFA Abidin Kaid Saleh zine eskolako ikasle zein irakasleek parte-hartu zuten grabaketan. Elxeko sariaz gain, euren lana Andorrako Ull Nu jaialdian aintzat hartua izan da, publikoaren saria eta epaimahaiaren laburmetrai onenari aipamen berezia jasoz.

Laatash, dokumental onena Elcheko 42. FICIE zinemaldian

Vitoria-Gasteiz, 2019ko uztailak 29. Laatash (Egarria) filmak FICIEn (Elcheko Zinema Independiente Nazioarteko Festibalean) dokumental onenari saria jaso zuen uztailaren 26an. Epaimahaiak Elena Molinak zuzendu eta Arabako SEADen Lagunen Elkarteak ekoiztutako lana aintzat hartu zuen bere ebazpenean. FICIE estatuko laburmetraien zinemaldi zaharrenetako eta errekonozimendu handienetakoen artean dago.

Hamalau minutuko iraupeneko laburmetraian, Molinak Tindufeko (Algeria) errefuxiatu saharauien kanpamentuetan ura kudeatzen duten emakumeen batzordeen lana jorratzen du eta aldi berean Algeriako basamortuan pairatzen den egarriaz mintzatzen da, ur ezak sortzen duena eta, 43 urte erbestean biziraun ondoren, askatasunaren eta menpekotasun gabeko bizitzaren egarriaz ere bai.

Elena Molinaren zuzendaritzapean, Arabako SEADen Lagunen Elkarteak antolatutako Saharaz Blai ikusentzunezko lehiaketaren irabazleek, elkarteko bolondresek eta kanpamentuetako EFA Abidin Kaid Saleh zine eskolako ikasle zein irakasleek parte-hartu zuten grabaketan.

Cortada eta Donostiako Giza Eskubideen Zinemaldian izan ondoren, Laatash-ek hainbat sari jaso ditu. Besteak beste, publikoaren saria eta epaimahaiaren laburmetrai onenari aipamen berezia Andorrako Ull Nu Festibalean eta honako hau Elcheko FICIEn.

Dokumentala zein Saharaz Blai lehiaketa Garapenerako Lankidetzaren Euskal Agentziak finantzatutako proiektu baten barnean garatutako ekimenak dira.

Ikuslegoaren saria lortu du ‘Laatash’-ek Andorran

SEADen Lagunen Elkarteak ekoiztutako ‘Laatash’ laburmetraia saritu dute maiatzaren 22 eta 26a artean ospatu den ekimenean. Gainera, epaimahaiak Aipamen Berezi bat eman zion Elena Molinak eta saharar errefuxiatuen kanpamentuetako EFA Abdidin Kaid Saleh zinema eskolarekin elkarlanean egindako filma.

Ur kudeaketako komiteetan emakume sahararrek egiten duten lana agertzen duen film laburrak beste aitorpen bat jaso du. Kasu honetan, Andorrako jaialdiako ikusleen iritziz laburmetrairik onena izan da. ‘Laatash’-eko taldearentzat oso sari berezia da. “Jendeari heldu zaiola esan nahi du horrek”, adierazi du bere zuzendariak.

Modu honetan, nazioarteko jaialdi desberdinetatik dihoan ibilbidean aurrera egiten du pelikulak. Gasteizko Cortada film laburren jaialdian eman zuen lehengo pausua eta, geroztik, Peruko Censurados Film Fest eta Donostiako Giza Eskubideen Zinemaldian izan da.

Oraindik ere bidea geratzen zaio, izan ere, ekainaren  2an Italiara helduko da ‘Laatash’, Turinen ospatzen den CinemAmbiente jaialdiaren eskutik eta Tunisiara Cinèma Vert nazioarteko jaialdiarekin.

Dokumentalak, Elena Molinaren zuzendaritzapean, Euskal Herriko eta Tindufeko saharar errefuxiatuen kanpamentuetako gazteak batu ditu filmatze lantaldean, Arabako SEADen Lagunen Elkarteko elkartasunezko proiektu bati esker, Garapenerako Lankidetzaren Euskal Agentziaren babesarekin.

‘Laatash’ Donostiako Giza Eskubideen Zinemaldian

Elena Molinaren lana apirilaren 11n proiektatuko da Victoria Eugenia Antzokian film laburren sail ofizialaren barnean

Vitoria-Gasteiz, 2019ko apirilaren 8an. Elena Molinak zuzendutako eta Arabako SEADen Lagunen Elkarteak Saharaz Blai leihaketaren barnean ekoiztutako ‘Laatash’ dokumentala Donostiako Giza Eskubideen Zinemaldiaren film laburren sail ofizialean proiektatuko dute.

Mendebaldeko Sahara da jaialdiak aurten jorratuko dituen gaietako bat. Hori dela eta, ‘Laatash’ film laburra ‘Hamada’ luzemetraiarekin batera proiektatuko da apirilaren 11n, 16:30etan Victoria Eugenia antzokian.

Pelikulak saharar emakumeek errefuxiatuen kanpamentuetan egiten duten ur banaketa lana erakusten du. Saharar emakumeek hamadako egarriari, basamortuko madarikazioari, aurre egiten diote egunero. Heriotza baino ez zutela topatuko aurreikusten zuten lekuan euren babeslekua eraiki dute. Bertan berrogei urte baino gehiago igaro ondoren familien beharizanen arabera ur tanta bakoitza banatzeaz arduratzen dira eta itxaroten dute. Ur falta baino latzagoa den egarriak lehortzen ditu euren eztarriak eta ez dute hori ase dezakeen ezer aurkitzen.

Censurados Film Festivalean aurkeztua

Bestalde, errefuxiatuen kanpamentuetako emakumeek egiten duten uraren kudeaketari buruzko filma Peruko Censurados Film Festival jaialdian aurkeztu zen martxoaren 26an.

Giza Eskubideen Zinemaldia zein Censurados ‘Human Rights Film Network’ nazioarteko jaialdien sarearen parte dira.

‘Laatash’ Euskal Herriko eta Tindufeko saharar errefuxiatuen kanpamentuetako gazteak batu ditu filmatze lantaldean, Arabako SEADen Lagunen Elkarteko elkartasunezko proiektu bati esker, Garapenerako Lankidetzarako Euskal Agentziaren babesarekin.

Laatash se proyectará el próximo viernes en el festival de cine Cortada de Gasteiz

El corto documental, dirigido por Elena Molina, es fruto del concurso Saharaz Blai, que la Asociación de Amigos y Amigas de la RASD de Álava impulsa para reflexionar sobre el derecho al acceso al agua

El próximo viernes, 14 de diciembre, a partir de las 21 horas proyectaremos Laatash en el festival Cortada de Gasteiz, en su sección Hemengoak. Se trata de la primera proyección en la ciudad de este corto documental producido por la Asociación de Amigos y Amigas de la RASD de Álava y que aborda el trabajo de los comités de mujeres en la gestión del agua en los campamentos de población refugiada saharaui en Tinduf (Argelia).

A lo largo de catorce minutos, la directora Elena Molina habla de la sed de las habitantes de la hamada argelina, la provocada por la escasez de agua y la sed de libertad y autonomía de un pueblo que lleva 43 años en el destierro.

Bajo la dirección de Elena Molina, en el equipo de rodaje participaron los ganadores del concurso audiovisual Saharaz Blai, organizado por la Asociación de Amigos y Amigas de la RASD de Álava (Daniel Bengoechea y Oihane Alonso), voluntarias de la propia asociación y profesores y alumnado de la escuela de cine EFA Abidin Kaid Saleh en los campamentos.

En marcha Saharaz Blai II

Desde el pasado 1 de diciembre está ya en marcha la segunda edición de este concurso, dirigido a jóvenes de entre 18 y 30 años. El cometido de las personas participantes será realizar un vídeo de dos minutos y medio como máximo en el que reflexionen sobre el derecho humano al acceso al agua, un bien común pero cada vez más escaso.

Más información en:

www.saharazblai.saharaelkartea.org/laatash

www.saharazblai.saharaelkartea.org